Sumqayıt şəhər sakini olan iki nəfərə qarşı dələduzluq edilərək onların bank kartlarında olan müxtəlif məbləğlərdə pul vəsaitləri ələ keçirilib.
Metbuat.az lent.az-a istinadən xəbər verir ki, polis əməkdaşlarının keçirdikləri tədbirlərlə dələduzluq əməlini törətməkdə şübhəli bilinən 29 yaşlı E.Hüseynov və 20 yaşlı R.Camallı müəyyən olunaraq saxlanılıblar.
Şəhərin H.Z.Tağıyev qəsəbəsində isə evlərin birindən 3000 manat dəyərində qızıl-zinət əşyası talamaqda şübhəli bilinən 27 yaşlı qadın da polis əməkdaşları tərəfindən müəyyən edilərək saxlanılıb.
Faktlarla bağlı araşdırma aparılır.
